Njohuri mbalë ardhjes së Arbëreshëvet ndë Itali

Ardhja e Arbëreshëvet ndë Itali, çë u zu tek gjymsa e shekullit XV dhe u sos më 1744, me ndërtimin e Badhesës (Pe), mësegjithë kle për ndjet hyrjevet të Turqvet tek Gadishulli Ballkanik, por kle e ndihur edhe ka marrëdhëniet tregtare dhe ushtarake të ngushta çë lidhjën Shqipërinë me Italinë çë shekulit e mëparshëm. Par pushtimit Osman, në fakt, shtegtimet ka Venediku ishin të shpeshta.

Ngulimet, të ndërtuara pas ardhjes së Turqvet, e zunë vendin ndë Itali jugore, mësegjithë ndë Pulje, ndë Kalabri dhe ndë Sicili, dhe ndë ata petkra çë Skanderbegu kish pasur ka Aragonat për ndjet ndihmës ushtarake çë i kish dhënë sa të shtypë kryengritjet e baronevet lokalë.

Në përgjithësi, mund të thuhet se, megjithëse kishin klënë ca kalime e grupeve të Shqipëtarëve ndë Itali çë shekullit XIII, është vet me vdekjen e Skanderbegut (1468) çë mund të flitet për katunde të ndërtuara ndë Itali ka të ikurat.

Ardhja e Arbëreshëvet është për këto krahine një arsye për gjallërim dhe zhvillim të ri; këto ishin, në fakt, lloqe çë e shkojën një perjudhë rënieje ekonomike dhe shoqërore, këtyrëve ish e lidhur edhe rënia demografike, çë i detyrohej edhe shkaqeve natyrore, si epidemi dhe tërmete.